Шайморатов батальоны яугирҙәренә ял биргәндәр - Башҡортостан Башлығы

Башҡортостан башлығы Радий Хәбиров 8 декабрҙә үҙенең телеграм-каналында Миңлеғәле Шайморатов исемендәге батальон яугирҙәрен фронт һыҙығынан ҡыҫҡа ваҡытлы ялға сығарыуҙарын хәбәр итте. Уларҙың һаулығын тикшереү өсөн табиптар ебәрелгән.

«Әле Луганск Халыҡ Республикаһының Красный Луч ҡалаһына командировкаға килгән табиптар — кардиолог, ультратауыш диагностикаһы табибы (УЗИ, ЭКГ), травматолог-ортопед, оториноларинголог, офтальмолог, хирург, шәфҡәт туташтары ҡабул итә. Бер нисә көндән уларға республиканан күсмә стоматология комплексы һәм төрлө йүнәлешле стоматологтар ҡушыла, — тип хәбәр итте Башҡортостан Башлығы. — Вәғәҙә иткәнебеҙсә, хәрбиҙәребеҙгә ярҙам итеү өсөн ҡулыбыҙҙан килгәндең барыһын да эшләрбеҙ».

https://www.bashinform.ru/news/svo/2022-12-08/dobrovoltsev-iz-batalona-shaymuratova-vyveli-s-linii-soprikosnoveniya-na-kratkosrochnyy-otdyh-3062020