Башҡортостанда Яңы йыл шыршыһына уҡыу алдынғылары һәм махсус хәрби операцияла ҡатнашыусыларҙың балалары саҡырыла
Башҡортостан Башлығы Радий Хәбиров республикала Яңы 2023 йылды байрам итеү тураһында указға ҡул ҡуйҙы. Тейешле документ рәсми мәғлүмәт порталында баҫылған.
Республикала хөкүмәттең беренсе вице-премьеры Рөстәм Моратов рәйеслегендә яңы йыл сараларын әҙерләү һәм үткәреү буйынса ойоштороу комитеты төҙөлдө. Ойоштороу комитетына республикала Яңы 2023 йылды байрам итеү буйынса саралар планын әҙерләү һәм раҫлау бурысы йөкмәтелде.
22 декабрҙә Республика яңы йыл шыршыһы була. Уға Башҡортостан райондарынан һәм ҡалаларынан Донецк Халыҡ Республикаһы, Луганск Халыҡ Республикаһы, Запорожье өлкәһе, Херсон өлкәһе, Украина биләмәләрендә барған махсус хәрби операцияла ҡатнашыусыларҙың, хәрби һәм хеҙмәт бурысын үтәгәндә һәләк булған хәрбиҙәрҙең, эске эштәр органдары хеҙмәткәрҙәренең балалары, уҡыу алдынғылары, предмет олимпиадалары һәм спорт ярыштары еңеүселәре, художестволы үҙешмәкәрлек фестивалдәре лауреаттары, аҙ тәьмин ителгән ишле ғаиләләрҙән балалар, шулай уҡ һаулыҡ мөмкинлектәре сикле, етем һәм ата-әсә ҡарауынан мәхрүм ҡалған балалар саҡырыла. Уларҙың барыһына ла яңы йыл бүләктәре тапшырыла.
Башҡортостанда Республика Яңы йыл шыршыһында ҡатнашҡан балаларға өс көнлөк ял ойошторола. Яңы йыл бүләктәренән тыш, һөнәри белем биреү ойошмаларында уҡыған етем һәм ата-әсә ҡарауынан мәхрүм ҡалған балаларға матди ярҙам күрһәтелә.
Барлыҡ мәҙәни саралар санитар нормаларҙы теүәл үтәп ойошторола. Яңы йыл каникулдары ваҡытында яңы йыл саралары уҙғарылған урындарҙа табиптар, Эске эштәр һәм Ғәҙәттән тыш хәлдәр министрлыҡтары хеҙмәткәрҙәре дежурлыҡ итергә тейеш.
Республиканың муниципаль район һәм ҡала округтары хакимиәттәре мәғариф ойошмаларында һәм мәҙәниәт учреждениеларында, майҙандарҙа яңы йыл байрамы сараларын әҙерләй.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.