Ҡыш көнө өс авиакомпания Башҡортостандан Дағстанға осоштар башҡарырға йыйына, тип хәбәр иттеләр «Өфө» аэропортының матбуғат хеҙмәтенән. Әлегә Өфөнән Махачкалаға рейстарҙы дүшәмбе һәм кесаҙна көндәрендә Nordwind Airlines башҡара. Артабан уға Red Wings һәм Utair авиакомпаниялары ла ҡушыла. Был маршруттың туристар араһында популяр йүнәлешкә әүерелеүе ихтимал.