Радий Хәбиров: Республика һәр саҡ хоҡуҡ һаҡлау органдарына ярҙам итәсәк

Фото: Олег Яровиков

Азат Ғиззәтуллин

Башҡортостан Башлығы Радий Хәбиров бөгөн эске эштәр органдары хеҙмәткәрҙәрен һөнәри байрамы менән ҡотланы һәм республика халҡы исеменән уларға хеҙмәте, енәйәтселеккә ҡаршы көрәше, хоҡуҡ тәртибен, граждандарҙың тыныслығын һәм хәүефһеҙлеген тәьмин иткән өсөн рәхмәт белдерҙе.

«Эшегеҙҙең ни тиклем ауыр һәм ҡайһы берҙә хәүефле булыуын барыбыҙ ҙа аңлайбыҙ. Һеҙгә йыш ҡына ҡатмарлы шарттарҙа эшләргә тура килә. Ләкин көнөн дә, төнөн дә закон һағында тороуығыҙҙы, һәр ваҡыт ярҙамға килеүегеҙҙе яҡшы беләбеҙ. Бөгөн хоҡуҡ һаҡлау органдары алдында енәйәт яуаплылығын тикшереү, «иҫерек», төркөм менән, бәлиғ булмаған, ойошҡан енәйәтселекте иҫкәртеү буйынса яуаплы бурыстар тора», – тип билдәләне Радий Хәбиров.

Быйыл эске эштәр органдары 23 меңгә яҡын, шул иҫәптән 4,5 мең ауыр һәм айырыуса ауыр енәйәтте асҡан. 1600-ҙән ашыу наркоенәйәт, шулай уҡ коррупция йүнәлешендәге 600-ҙән ашыу енәйәт ҡылыуҙа ғәйеплеләр табылған.

«Бер енәйәтсе лә яуаплылыҡтан ҡасмаҫҡа тейеш. Һеҙ терроризмға һәм экстремизмға ҡаршы тороуҙың заманса технологияларын һәм һөҙөмтәле алымдарын әүҙем үҙләштерәһегеҙ. Махсус хәрби операцияны уҙғарыу һәм республикабыҙ биләмәһендә база әҙерлеге режимын индереү шарттарында был бик мөһим. Төп бурыс – транспортта, сауҙа үҙәктәрендә, халыҡ күп йөрөгән урындарҙа йәмәғәт тәртибен һәм хәүефһеҙлекте һаҡлау», – тине республика етәксеһе.

Радий Хәбиров һәр ваҡыт законды һәм хоҡуҡ тәртибен фиҙакәр яҡлаған Эске эштәр министрлығы ветерандарына айырым рәхмәт һүҙҙәрен әйтте.

«Әле хәрбиҙәребеҙ нацизмға ҡаршы һуғыша, Рәсәйҙе һаҡлай. Үҙ ирке менән яҙылғандар һәм мобилизацияланғандар араһында хоҡуҡ һаҡлау органдары ветерандары, элекке коллегаларығыҙ күп. Ә беҙ бында тылды бергәләп нығытырбыҙ. Республика һәр саҡ хоҡуҡ һаҡлау органдарына ярҙам итәсәк. Төбәк маҡсатлы программаларын ғәмәлгә ашырыуҙы, матди базаны нығытыуҙы, эске эштәр органдарын техник яҡтан йыһазландырыуҙы дауам итербеҙ», – тип билдәләне Башҡортостан Башлығы.

Радий Хәбиров эске эштәр органдарының барлыҡ хеҙмәткәрҙәренә ныҡлы һаулыҡ, именлек, яуаплы хеҙмәттәрендә уңыштар теләне һәм республика буйынса Эске эштәр министрлығының бер нисә хеҙмәткәренә Башҡортостандың дәүләт наградаларын тапшырҙы.

https://www.bashinform.ru/news/social/2022-11-10/radiy-habirov-respublika-vsegda-budet-pomogat-organam-pravoporyadka-3023966

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.