Республикала махсус хәрби операцияла ҡатнашыусыларҙың балалары бушлай туҡланыу хоҡуғына эйә

Башҡортостанда махсус хәрби операцияла ҡатнашыусыларҙың балаларын ҡайнар аш менән тәьмин итеү тураһында хөкүмәт ҡарарына ҡул ҡуйылды. Документ ундайҙарға көнөнә бер тапҡыр бушлай ҡайнар аш биреү тәртибен күҙ уңында тота.

Улар иҫәбендә:

— дөйөм белем биреү мәктәптәренең 5-11-се класс уҡыусылары,

— урта һөнәри белем биреү учреждениеларында көндөҙгө бүлектә уҡып йөрөгән студенттар.

Әлеге ярҙамды алыу өсөн ата-әсәгә (законлы вәкилгә) бушлай ашатыуҙы һорап ғариза яҙырға, шулай уҡ военкоматтан махсус хәрби операцияла ҡатнашыусы тигән статусыт раҫлаған белешмә алырға кәрәк.

Ҡарарҙың үтәлешен контролдә тотоу Башҡортостан хөкүмәте премьер-министрының беренсе урынбаҫары — иҡтисади үҫеш һәм инвестиция сәйәсәте министры Рөстәм Моратовҡа йөкмәтелде.

https://www.bashinform.ru/news/social/2022-10-31/v-bashkirii-podpisano-postanovlenie-o-predostavlenii-goryachego-pitaniya-detyam-uchastnikov-svo-3010418