Алдағы көндәрҙә синоптиктар Башҡортостанда ямғыр һәм епшек ҡар яуыуын фаразлай. Урыны менән ағастарға һәм тимер сымдарға епшек ҡар һырыуы, -1, -6 градусҡаса һыуытып, ҡырау төшөүе ихтимал, тип иҫкәрттеләр республика халҡын Ғәҙәттән тыш хәлдәр министрлығында.
Кесаҙна, 29 сентябрҙә, көндөң аяҙлы-болотло булыуы көтөлә. Ямғыр һәм епшек ҡар, ел көнсығыштан секундына 8-13 метр тиҙлектә, айырым райондарҙа секундына 18 метрға етеүе мөмкин. Һауа температураһы төндә 0, +5 градус, көндөҙ һауа +2, +7 градусҡаса йылына.
Автомобиль юлдарының айырым участкаларында төндә һәм иртән боҙлауыҡ булыуы, урыны менән томан төшөүе ихтимал. Күреү мөмкинлеге — 500-1000 метр.