Әбйәлил районында шағир һәм тәржемәсе Әсхәл Әхмәт-Хужаның хәтер көнө уҙғарыла

23 сентябрҙә Әбйәлил районы Асҡар ауылы мәҙәниәт йортонда Рәсәй Федерацияһының атҡаҙанған мәҙәниәт хеҙмәткәре Әсхәл Әхмәт-Хужаның иҫтәлегенә арналған сара үткәрелә. Программа башҡорт шағиры һәм тәржемәсеһенеңтыуыуына 80 йыл тулыуға (1942 - 2018) бағышлана.

Сараға Өфөнән, Сибайҙан, Әбйәлил, Белорет, Учалы, Бөрйән райондарынан, Силәбе өлкәһенән ҡунаҡтар саҡырылған. Хәтер кисәһендә китапханасылар, башҡорт теле һәм әҙәбиәте уҡытыусылары, «Йәйғор» әҙәби берекмәһе ағзалары ла ҡатнаша. Көндөҙгө сәғәт 2-лә башлана.

Әсхәл Әхмәт-Хужа (Әсхәл Әхмәтҡужин) — Ғ. Сәләм исемендәге республика премияһы, Һәҙиә Дәүләтшина исемендәге премия лауреаты, Халыҡтар дуҫлығы ордены кавалеры. 30-ҙан ашыу шиғри йыйынтыҡ, шул иҫәптән балалар өсөн китаптар, тәржемәләр авторы. Шота Руставелиҙың, Рәсүл Ғамзатовтың, Давид Кугультиновтың әҫәрҙәрен башҡорт теленә тәржемә иткән.

https://www.bashinform.ru/news/culture/2022-09-23/a-abzelilovskom-rayone-proydet-den-pamyati-bashkirskogo-poeta-i-perevodchika-ashalya-ahmat-huzhi-2962459