Бер кеше үлгән, ун өсө — ауыр хәлдә: республикала коронавирусҡа бәйле хәл

Башҡортостанда һуңғы тәүлектә йәнә бер кеше ковидтан вафат булған. Ун өс сирле — ауыр хәлдә, уларҙың икәүһе — үпкәне яһалма елләтеү аппаратында. Был хаҡта республиканың Һаулыҡ һаҡлау министрлығы хәбәр итте.

Ведомство мәғлүмәте буйынса, ауырыу йоҡтороуҙың 826 яңы осрағы асыҡланған. Бөтәһе 311 374 пациентта ошо диагноз раҫланған. Һуңғы тәүлектә 19 кешелә дауахананан тыш пневмония табылған. Республикала 4 168 кеше — амбулатор шарттарҙа, 296-һы стационарҙа дауалана.

Бер тәүлектә 10 355 кеше коронавирус инфекцияһынан прививка яһатҡан. Ә 3 057 890 яҡташыбыҙ вакцинаның ике компонентын да алған.

https://www.bashinform.ru/news/social/2022-09-22/odin-chelovek-skonchalsya-trinadtsat-v-tyazhelom-sostoyanii-situatsiya-s-koronavirusom-v-bashkirii-2961053