Башҡортостан һәм Өфө яңылыҡтары
55.3
0
52.74
0
85.35
-1.83
15+ °C
Болотло
Бөтә яңылыҡтар
Йәмғиәт
21 Сентябрь , 14:58

Радий Хәбиров һәм Роман Головченко Өфөнөң Еңеү паркында һуғыш геройҙары һәйкәленә сәскәләр һалды

Олег Яровиков
Фото:Олег Яровиков

Бөгөн Өфөнөң Еңеү паркында Беларусь Республикаһы премьер-министры Роман Головченко һәм Башҡортостан Башлығы Радий Хәбиров Советтар Союзы Геройҙары Александр Матросов менән Миңлеғәле Ғөбәйҙуллин һәйкәленә сәскәләр һалды. Тантанала Беларусь делегацияһы ағзалары ла ҡатнашты.

Рәсәй Федерацияһы һәм Башҡортостан Республикаһы гимндары яңғырағандан һуң тантанала ҡатнашыусылар Бөйөк Ватан һуғышынан әйләнеп ҡайтмаған яугирҙәрҙе бер минутлыҡ тынлыҡ менән иҫкә алды.

Хәтерегеҙгә төшөрәбеҙ, Өфөлә Еңеү паркы 1947 йылда Бөйөк Ватан һуғышында фашистарҙы еңеү хөрмәтенә асылған. 1980 йылда һуғыш тамамланыуҙың 35 йыллығы уңайынан Матросов менән Ғөбәйҙуллинға һәйкәл ҡуйылғандан һуң Еңеү паркы тип йөрөтөлә башлай. Һуңынан хәрби техника,  машиналар, иҫтәлекле ҡоралдар урынлаштырылған. Артабан Бөйөк Ватан һуғышында башын һалған башҡорт геройҙарының исемдәре яҙылған аллея барлыҡҡа килгән.

2000 йылда Өфө паркында Республика Хәрби Дан музейы эшләй башланы.

2010 йылдың 8 майында паркта Рәсәй Геройы Миңлеғәле Шайморатов һәм Советтар Союзы Геройы Таһир Күсимов бюстарын асыу тантанаһы уҙҙы.

https://www.bashinform.ru/news/social/2022-09-21/radiy-habirov-i-roman-golovchenko-vozlozhili-venki-k-pamyatniku-geroyam-voyny-v-ufimskom-parke-pobedy-2958950

Автор:Азат Ғиззәтуллин
Читайте нас в