5 августа Кушнаренко районы Яҡуп ауылында фельдшер-акушерлыҡ пунктын асыу тантанаһы уҙҙы. Бина «Һаулыҡ һаҡлау» милли проектының «Рәсәй Федерацияһы һаулыҡ һаҡлау өлкәһенең беренсел звеноһын яңыртыу» федераль проекты сиктәрендә төҙөлдө. Уның маҡсаты — йәшәгән урын янында медицина ярҙамы күрһәтеүҙе ойоштороу.
Сарала Башҡортостандың һаулыҡ һаҡлау министры Айрат Рәхмәтуллин, Кушнаренко районы хакимиәте башлығы вазифаһын ваҡытлыса башҡарыусы Марат Әхмәҙуллин, Матвеев ауыл Советы хакимиәте башлығы Эдуард Баһауетдинов һәм Кушнаренко үҙәк район дауаханаһының баш табибы Илдар Бакаев ҡатнашты.
Яңы фельдшер-акушерлыҡ пункты заманса нормативтарға һәм сифат стандарттарына тулыһынса тап килә, унда процедуралар, халыҡты ҡабул итеү кабинеттары, дарыуҙар һаҡлау, хеҙмәткәрҙәр өсөн бүлмәләр бар. Фельдшер-акушерлыҡ пункты Яҡуп һәм Матвеев ауылдары халҡын хеҙмәтләндерә.
Тиҙҙән Мәмәк һәм Солтанай ауылдарында ла ике яңы фельдшер-акушерлыҡ пункты асылырға тейеш.