Башҡортостан һәм Өфө яңылыҡтары
60.45
+0.07
61.7
+0.15
98.41
+1.01
26+ °C
Болотло
Бөтә яңылыҡтар
Йәмғиәт
4 Август , 13:03

Яҡташтарыбыҙ «Йыл ғаиләһе» бөтә Рәсәй конкурсы номинацияһында еңеү яуланы

Башҡортостандың Хеҙмәт министрлығы
Фото:Башҡортостандың Хеҙмәт министрлығы

VII «Йыл ғаиләһе» Бөтә Рәсәй конкурсының ойоштороу комитеты биш номинация буйынса федераль этап еңеүселәрен иғлан итте: «Күп балалы ғаилә», «Йәш ғаилә», «Ауыл ғаиләһе», «Алтын ғаилә», «Ғаилә – ғөрөф-ғәҙәттәрҙе һаҡлаусы».

«Ауыл ғаиләһе» номинацияһында Тәтешле районы Кәлтәй ауылынан Мәкиә һәм Муллахан Муллахмәтовтар ғаиләһе еңеү яуланы. Конкурстың федераль этабында төбәк этаптарында еңгән 353 ғаилә ҡатнашты.

Иҫегеҙгә төшөрәбеҙ, июнь айында Муллахмәтовтар ғаиләһе конкурстың республика этабында «Ауыл ғаиләһе» номинацияһында беренсе урынды алғайны. Ғаилә башлығы Муллахан Муллахмәт улы Кәлтәйҙә «Сәрбиямал» мәсете, Бөйөк Ватан һуғышында һәләк булған яугирҙәргә обелиск төҙөү эшен башлап ебәргән. Ул тыуған ауылының тарихын өйрәнә, унда йәшәүселәрҙең барыһының да шәжәрәләрен төҙөгән.

Конкурс 2016 йылдан уҙғарыла. Уны ойоштороусылар – Рәсәй Федерацияһының Хеҙмәт һәм халыҡты социаль яҡлау министрлығы, Ауыр тормош шарттарында ҡалған балаларға ярҙам фонды, ил субъекттарының башҡарма власть органдары.

https://www.bashinform.ru/news/social/2022-08-04/semya-iz-bashkirii-oderzhala-pobedu-v-nominatsii-vserossiyskogo-konkursa-semya-goda-2897933

Автор:Роман Якимчук
Читайте нас в