Башҡортостан һәм Өфө яңылыҡтары
60.45
+0.07
61.7
+0.15
98.41
+1.01
26+ °C
Болотло
Бөтә яңылыҡтар
Йәмғиәт
4 Август , 14:44

Башҡортостан Донбасҡа гуманитар йөк оҙатты

Башҡортостандың Ғәҙәттән тыш хәлдәр буйынса дәүләт комитеты
Фото:Башҡортостандың Ғәҙәттән тыш хәлдәр буйынса дәүләт комитеты

Һигеҙ йөк машинаһынан торған автоколонна Өфө районы «Башсельхозтехника» базаһы биләмәһенән Луганск Халыҡ Республикаһының Петровский ҡалаһына юлланды. Был йөк (пиломатериалдар, гипсокартон, сэндвич-панель, йылылыҡ үткәрмәй торған материалдар, радиаторҙар, торбалар, инструменттар һәм башҡалар) Петровскийҙың генерал-майор Миңлеғәле Шайморатов исемендәге 22-се мәктәбе өсөн тәғәйенләнгән.

«Бөгөн сираттағы гуманитар ярҙам ылауын оҙатабыҙ. Колонна менән 21 кеше, 10 берәмек техника бара, 91 тонна төҙөлөш материалы тейәлгән. Мәктәптә бөтә эштәрҙе ваҡытында башҡарып сығып, яңы уҡыу йылына объектты сафҡа индерергә кәрәк. Шулай уҡ беҙ Красный Луч ҡалаһына командировкаға ебәрелгән белгестәргә 4 тоннаға яҡын оҙаҡ һаҡланған аҙыҡ-түлек алып барабыҙ», –  тине «Берҙәм Рәсәй» партияһының төбәк башҡарма комитеты етәксеһе Руслан Насретдинов.

Башҡортостандың Ғәҙәттән тыш хәлдәр буйынса дәүләт комитеты рәйесе Фәрит Ғүмәров әйтеүенсә, әлеге ваҡытта Петровский мәктәбендә республикабыҙҙан килгән 110 төҙөүсе эшләй. Гуманитар миссия башланғандан алып республика Донбасҡа 1 400 тоннанан ашыу ярҙам оҙатҡан. Башҡортостан Башлығы Радий Хәбировтың ҡушыуы буйынса гуманитар ылау даими рәүештә Луганск Халыҡ Республикаһына йөк ташый.

https://www.bashinform.ru/news/social/2022-08-04/bashkortostan-otpravil-v-donbass-ocherednuyu-partiyu-gumanitarnoy-pomoschi-2898074

Башҡортостандың Ғәҙәттән тыш хәлдәр буйынса дәүләт комитеты
Фото:Башҡортостандың Ғәҙәттән тыш хәлдәр буйынса дәүләт комитеты
Читайте нас в