Республика стационарҙарында коронавирус менән сирлеләр артҡан

Башҡортостан Һаулыҡ һаҡлау министрлығының 3 авгусҡа мәғлүмәттәре буйынса, республикала коронавирус инфекцияһын йоҡтороуҙың 89 осрағы теркәлгән.

Әлеге ваҡытта 112 пациент, шул иҫәптән 60 йәштән өлкән 73 кеше стационарҙа дауалана. Кисә стационарҙа – 109, 1 августа 108 кеше ауырыуға ҡаршы көрәшә, тип хәбәр иткәйне «Башинформ» мәғлүмәт агентлығы.

Әле 22 пациенттың хәле ауыр, өс кеше үпкәне яһалма елләтеү аппараты ярҙамында тын алырға мәжбүр. Ә 407 кеше амбулатор шарттарҙа дауалана, 122-һе – оло йәштәгеләр.

Уҙған тәүлектә 51 кеше һауығып, өйөнә ҡайтҡан. Тәүлек эсендә бер пациент вафат булған.

https://www.bashinform.ru/news/social/2022-08-03/v-statsionarah-bashkirii-uvelichilos-chislo-bolnyh-koronavirusom-2897133