Башҡортостан Башлығы Радий Хәбиров Шайморатов отряды яугирҙәре хәрби әҙерлек үткән урынға барҙы 

Башҡортостан Башлығы Радий Хәбиров М.Шайморатов исемендәге башҡорт мотоуҡсылар батальоны яугирҙәре хрби әҙерлек үткән урынға барҙы.  

«Беҙҙең яугирҙәр — күп быуаттар буйына тыуған ерен һаҡлаған, һуғышта еңгән яугирҙәрҙең вариҫтары. Хәҙер ҙә шулай булыр тип ышанам. Афарин, егеттәр, ҡуйылған бурыстарҙы үтәйҙәр. Командирҙар уларҙы маҡтай, был бик мөһим», — тип яҙҙы Башҡортостан Башлығы социаль селтәрҙәге сәхифәһендә.

Республика ошо батальонды һәм Александр Доставалов исемендәге батальонды кейем-һалым, аҙыҡ-түлек, медикаменттар менән тәьмин итте, тип билдәләне ул.

«Беҙ уларҙың туғандары һәм яҡындары менән һәр саҡ бәйләнештәбеҙ. Егеттәр, беҙ һеҙҙең менән ғорурланабыҙ!» — тип билдәләне Радий Хәбиров.

Хәтерегеҙгә төшөрәбеҙ, батальон яугирҙәрен оҙатыу тантанаһы 6 июлдә «Патриот» паркында үтте.

https://www.bashinform.ru/news/social/2022-08-03/glava-bashkirii-radiy-habirov-navestil-boytsov-otryada-shaymuratova-v-meste-boevogo-slazhivaniya-2896921