Башҡортостан һәм Өфө яңылыҡтары
60.45
+0.07
61.7
+0.15
98.41
+1.01
26+ °C
Болотло
Бөтә яңылыҡтар
Йәмғиәт
2 Август , 13:48

Радий Хәбиров элекке һәм хәҙерге десантсыларҙы Һауа-десант ғәскәрҙәре көнө менән тәбрикләне

Радий Хәбировтың социаль селтәрҙәре
Фото:Радий Хәбировтың социаль селтәрҙәре

Башҡортостан Башлығы Радий Хәбиров социаль селтәрҙә элекке һәм хәҙерге десантсыларҙы Һауа-десант ғәскәрҙәре көнө менән ҡотланы.

Байрам көнөндә ул Рәсәй Геройы тигән юғары исемгә лайыҡ булған яҡташтарыбыҙҙың үлемһеҙ батырлығы тураһында иҫкә төшөрҙө. Улар – Гудерместы боевиктарҙан азат итеүҙә ҡаһарманлыҡ күрһәткән 104-се гвардия парашют-десант полкы командиры, гвардия полковнигы Сергей Тулин; Чечен Республикаһында боевиктарға ҡаршы һуғышта һәләк булған парашют-десант батальоны командиры урынбаҫары, гвардия майоры Александр Доставалов; Дағстанда террорсылар менән һуғышҡанда дошман минаһы ярсыҡтарынан яраланған иптәштәрен үҙенең кәүҙәһе менән ҡаплаған гвардия сержанты Артур Ҡорбанғәлиев.

«Башҡа бик күп көслө, ҡыйыу, ныҡ сыныҡҡан, ҡорос характерлы ир-егеттәр намыҫтың һәм батырлыҡтың нимә икәнен үҙ миҫалында асыҡ күрһәтә. Улар Бөйөк Ватан һуғышында, Афғанстанда, контртеррористик операцияларҙа ҡатнашты. Бөгөн яҡташтарыбыҙ беҙҙең илде һәм туғандаш Донбасты нацизмдан һаҡлай. Элек «ҡанатлы гвардия»ла хеҙмәт иткән һәм хәҙер зәңгәр берет кейеп йөрөгән егеттәрҙе ҡотлайым. Һеҙгә һәм яҡындарығыҙға ныҡлы һаулыҡ, бәхет. Уртаҡ йортобоҙға, Тыуған илебеҙгә тыныслыҡһәм именлек теләйем», — тип яҙҙы Радий Хәбиров.
Автор:Роман Якимчук
Читайте нас в