Ике башҡорт һылыуҡайы Төркиәлә «Мисс һәм Миссис Евразия-2022» конкурсында титулдарға лайыҡ булды
Анталияла (Төркиә) «Мисс һәм Миссис Евразия-2022» халыҡ-ара гүзәллек конкурсы уҙҙы. Конкурс Европанан һәм Азиянан милли һәм төбәк матурлыҡ ярыштарында еңеүселәрҙе һәм призёрҙарҙы йыйҙы.
Башҡортостан Республикаһы исеменән күп йылдар «MissBash Models» агентлығында шөғөлләнгән Нурсилә Исхаҡова һәм Юлиә Казакова сығыш яһаны.
«Миссис» категорияһында (кейәүҙәге ҡатын-ҡыҙҙар) «Башҡортостан һылыуҡайы-2021» исемен яулаған Нурсилә Исхаҡова ҡатнашты. Уға 31 йәш, сығышы менән Баймаҡ районынан. Нурсиләнең ғаиләһендә ике бала үҫеп килә. «Миссис» категорияһында ҡатнашыусылар өсөн тап ошо фактор мөһим.
Ә «Мисс» категорияһында Юлиә Казакова сығыш яһаны. Юлиәгә 24 йәш, Өфөлә тыуған, Башҡорт дәүләт аграр университетын тамамлаған.
Конкурс йомғаҡтары буйынса ике һылыуҡай ҙа тәүге унау иҫәбенә инде һәм аралаш этаптарҙа еңеүсе булды:
«Мисс Талант» – спорт-бал бейеүен башҡарған Юлиә Казакова;
«Миссис Милли һылыуҡай» – туған халҡы һәм төбәге менән яҡшы итеп таныштырған өсөн Нурсилә Исхаҡова. Ул «Байыҡ-2009» проектында еңеү яулаған «Һаҡмар һылыуы» бейеүен башҡарҙы.
Ҡыҙҙар диадема, наградалар менән бүләкләнде һәм башҡа халыҡ-ара матурлыҡ конкурстарына саҡырыу алды.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.