Башҡортостандан Төркиәгә авиарейстар аҙнаһына ике осошҡа тиклем арттырылды.
Өфө аэропортының матбуғат хеҙмәте хәбәр итеүенсә, хәҙер 100 урынлыҡ SSJ-100 самолеты баш ҡаланан дүшәмбе һәм йома көндәрендә оса башлай.
Киләсәктә программаны аҙнаһына 5 тапҡырға тиклем киңәйтеү күҙаллана, тип белдерҙеләр компанияла.
Хәтерегеҙгә төшөрәбеҙ, 10 июндә Өфөнән Истанбулға беренсе даими рейс юлланды.