Донецк һәм Луганск халыҡ республикаларындағы инфраструктура объекттарын тергеҙгән белгестәргә икеләтә түләнә

Рәсәй Федерацияһы хөкүмәтенең рәсми хоҡуҡи мәғлүмәт интернет-порталында баҫылған ҡарарында Донецк һәм Луганск халыҡ республикаларына, инфраструктура объекттарын тергеҙеү өсөн халыҡтың йәшәү эшмәкәрлеген тәьмин итеүгә мохтаж башҡа биләмәләргә командировкаға ебәрелгәндәр өсөн түләүҙәр күләмен билдәләү ҡағиҙәләре раҫланған.

Документҡа ярашлы, дәүләт хеҙмәткәре булмаған федераль дәүләт органдары хеҙмәткәрҙәре, ведомство ҡарамағындағы учреждениелар хеҙмәткәрҙәре, шулай уҡ Донецк һәм Луганск халыҡ республикалары биләмәләрендә инфраструктура һәм йәшәү эшмәкәрлеге объекттарын тергеҙеү менән шөғөлләнгән башҡа ойошмаларҙың хеҙмәткәрҙәре командировка ваҡытында икеләтә эш хаҡы алырға тейеш. Бынан тыш, эш биреүсе бындай хеҙмәткәрҙәргә командировкаларҙағы өҫтәмә сығымдарҙы ҡаплау өсөн отчетһыҙ сумма түләргә хоҡуҡлы. Донецк һәм Луганск халыҡ республикалары биләмәләренә командировкаға килгән бюджет ойошмалары хеҙмәткәрҙәре өсөн тәүлеклек аҡса — 8480 һум.

https://www.bashinform.ru/news/social/2022-06-21/spetsialisty-vosstanavlivayuschie-infrastrukturnye-ob-ekty-v-dnr-i-lnr-poluchat-dvoynye-vyplaty-2848782