Башҡортостанда Һуңғы ҡыңғырау байрамына арналған сараларҙы уҙғарғанда алкоголь продукцияһын ваҡлап һатыу тыйыла. Был турала Башҡортостан Сауҙа һәм хеҙмәттәр министрлығының матбуғат хеҙмәте хәбәр итте.
Быйыл Һуңғы ҡыңғырау туғыҙынсы кластарға — 18 майҙа, ә ун беренселәргә 25 майҙа яңғырай.
«Башҡортостан Республикаһының 2007 йылдың 1 мартындағы 414-се законының 6.2 статьяһына ярашлы, магазиндарҙа хәмер һатыу тыйыла. Был дөйөм туҡланыу предприятиеларына ҡағылмай», — тип белдерҙеләр ведомствоның матбуғат хеҙмәтендә.