Рәсәйҙең көньяҡ аэропорттарына осоуҙы сикләү режимы оҙайтылды

Рәсәйҙең 11 аэропортына осоуҙы ваҡытлыса сикләү режимы 2022 йылдың 19 майына тиклем оҙайтылды. Был турала Федераль һауа транспорты агентлығы хәбәр итте.

Анапа, Белгород, Брянск, Воронеж, Геленджик, Краснодар, Курск, Липецк, Дондағы Ростов, Симферополь һәм Элиста аэропорттарына осоу ваҡытлыса сикләнде.

Рәсәй авиакомпанияларына пассажирҙар ташыуҙы Сочи, Волгоград, Минераль Һыуҙар, Ставрополь һәм Мәскәү аэропорттары аша альтернатив маршруттар буйынса ойошторорға тәҡдим ителде.

Илдең башҡа аэропорттары штат режимында эшләй.

Аэрпорттарҙың һәм авиакомпанияларҙың эшендәге үҙгәрештәр тураһында уларҙың рәсми сайттарынан белергә мөмкин.

https://www.bashinform.ru/news/social/2022-05-12/rezhim-vremennogo-ogranicheniya-poletov-v-rossiyskie-aeroporty-yuga-i-tsentralnoy-chasti-rossii-prodlen-2800702