Башҡортостандың Мәғариф һәм фән министрлығы мәғлүмәте буйынса, республиканың ете юғары уҡыу йорто 2022-2023 уҡыу йылына бакалавриат, белгеслек һәм магистратура программалары буйынса 12 381 бюджет урынына абитуриенттар ҡабул итә. Шул иҫәптән аспирантураға – 151 кеше (былтырғы уҡыу йылында – 127), ординатураға – 933 кеше (былтыр иһә 715).
Йүнәлештәр буйынса һандар түбәндәгесә:
мәғариф һәм педагогика – 2371 урын;
геология, тау эше, нефть-газ эше һәм геодезия – 925;
машиналар эшләү – 870 урын;
информатика һәм иҫәпләү техникаһы – 869;
клиник медицина – 807 урын.
Башҡортостандың юғары уҡыу йорттары икенсе йыл инде «Вузға онлайн уҡырға инеү» сервисы ярҙамында «Дәүләт хеҙмәттәре» аша абитуриенттарҙан ғаризалар ҡабул итә.