2021 йылда республика конкурсында 1537 ауыл ҡатнашты. Был хаҡта «2021 йылдың айыҡ ауылы» республика конкурсын ойоштороу комитетының сираттағы ултырышында иғлан ителде.
Баймаҡ районы алдынғылыҡты бирмәй — был юлы конкурста 89 ауыл ҡатнаша. Билдәле булыуынса, район халҡы уҙған йылдарҙағы конкурстарҙа ла призлы урындар яуланы. Ҡалтасы, Ауырғазы, Дәүләкән, Стәрлетамаҡ, Шишмә райондарында ҡатнашыусылар күп.
Конкурстың муниципаль этабын үткәреү буйынса саралар планы ғәмәлгә ашырылды. Ғаилә ҡиммәттәрен нығытыуға, сәләмәт һәм айыҡ йәшәү рәүешен пропагандалауға йүнәлтелгән бик күп саралар, шул иҫәптән төрлө тематик мәсьәләләр буйынса ҡыҙыу линиялар, бушлай юридик консультациялар көнө, халыҡты эш менән тәьмин итеүгә булышлыҡ итеү өлкәһендә хеҙмәттәр күрһәтеү һәм эшкә урынлашыу мәсьәләләре буйынса халыҡ мәшғүллеге үҙәктәре белгестәре менән онлайн-консультациялар үткәрелде.
Уҙған йылдарҙағы кеүек үк, Башҡортостан Һаулыҡ һаҡлау министрлығының күсмә сәләмәтлек үҙәктәре «2021 йылдың айыҡ ауылы» конкурсының республика этабында ҡатнашҡан ауылдарға бара.
https://www.bashinform.ru/news/social/2022-01-19/uchastnikami-respublikanskogo-konkursa-trezvoe-selo-stali-1537-syol-bashkortostana-2660980