Өфө аэропортынан Мәскәүгә яңы рейс асылды. 17 ғинуарҙан уны «ИрАэро» авиакомпанияһы башҡара башлай. Бының өсөн 156 пассажир һыйҙырышлы Airbus A319 самолеттары файҙаланыла. Юлға ике сәғәт самаһы ваҡыт китә.
«Өфө» халыҡ-ара аэропортының матбуғат хеҙмәте хәбәр итеүенсә, тәүлегенә Башҡортостандың баш ҡалаһынан Мәскәүгә бөтәһе 13 рейс башҡарыла.
«Азимут» авиакомпанияһы Дондағы Ростов - Волгоград - Өфө даими рейсын асты. Осоштар 18 ғинуарҙа 100 пассажир һыйҙырышлы Sukhoi Superjet 100 самолетында башлана.
2021 йылдың аҙағына тиклем Өфөнән Волгоградҡа осоштарҙы Utair авиакомпанияһы башҡарҙы. Хәҙер был рейстар туҡтатылған.
https://www.bashinform.ru/news/social/2022-01-14/iz-ufy-otkryli-novye-pryamye-reysy-v-moskvu-i-volgograd-2654646