Башҡортостан һәм Өфө яңылыҡтары
76.69
+0.25
86.91
+0.08
87.62
-0.6
-10 °C
Ҡар
Бөтә яңылыҡтар
Йәмғиәт
12 Ғинуар , 13:32

Күгәрсен районы башлығы отставкаға китә

Фото:социаль селтәрҙәр

Күгәрсен районы башлығы Ғайса Янбаевҡа уҙған йылдың авгусында сығарылған хөкөм ҡарары үҙ көсөндә ҡалдырылды. Был хаҡта Башҡортостан Республикаһы судтарының берләшкән матбуғат хеҙмәтенән хәбәр иттеләр.

«Башҡортостан Юғары судының енәйәт эштәре буйынса коллегияһы Совет район судының 2021 йылдың 31 авгусындағы Ғайса Янбаевҡа ҡарата хөкөм ҡарарын үҙгәртмәне, адвокаттарҙың апелляция ялыуы һәм прокурорҙың апелляция күрһәтмәһе ҡәнәғәтләндерелмәне», —  тип белдерҙеләр ведомствола.

Район башлығы социаль селтәрҙәге сәхифәһендә шуға бәйле яҙма ҡалдырҙы.

«Бөгөн мин отставкаға китәм. Кисә, 11 ғинуарҙа, республиканың Юғары суды миңә ҡарата ғәйепләү ҡарарын үҙ көсөндә ҡалдырҙы. Суд ҡарары менән бөтөнләй риза түгелмен, шуға күрә уға ялыу бирәм, артабанғы суд инстанцияларында дөрөҫлөк һәм намыҫлы исемем өсөн көрәшемде дауам итәм. Мин Башҡортостан Республикаһы Башлығы Радий Фәрит улы Хәбировҡа, уның командаһына ярҙамдары һәм аңлауҙары өсөн рәхмәтлемен! Әлбиттә, яҡташтарыма, Күгәрсен районы халҡына, ышаныс күрһәткән өсөн рәхмәт белдерәм. Район башлығы булып эшләгән осорҙа күп яҡшы эштәр башҡарылды. Мин һәр ваҡыт ғәҙел, район халҡы мәнфәғәте өсөн эшләнем. Ҡыҙғанысҡа ҡаршы, нимәнелер эшләп өлгөрмәнем. Шуға ҡарамаҫтан, муниципалитетты артабан үҫтереү буйынса планлаштырылған эш дауам итер тип ышанам. Район хакимиәтендә көслө команда эшләй, улар артабан да республика етәкселеге менән билдәләнгән пландарҙы һәм бурыстарҙы тормошҡа ашырыу менән шөғөлләнер. Әммә иң мөһиме – районыбыҙҙа уңған, изге күңелле, яуаплы кешеләр йәшәй һәм эшләй! Барығыҙға ла изгелек, һаулыҡ һәм именлек теләйем!», — тине ул.

https://www.bashinform.ru/news/social/2022-01-12/glava-kugarchinskogo-rayona-bashkirii-uhodit-v-otstavku-2651393