2022 йылдың 15 ғинуарынан 6875/6876-сы Өфө — Яңы Абҙаҡ поезы маршрутында яңы туҡталыш барлыҡҡа килә. Был — Белореттан 150 саҡрым алыҫлыҡта урынлашҡан Йөйәк станцияһы. Башҡортостан ҡала яны пассажирҙар компанияһында хәбәр итеүҙәренсә, туҡталыш халыҡтың һорауы буйынса булдырыла. 2 ғинуарҙан 9-ына тиклем дауам иткән яңы йыл каникулдарында поезд ошо станцияла ла туҡтаны, хәҙер иһә әлеге тәжрибәне дауам итергә хәл ителде.
Башҡортостан властары Өфө — Яңы Абҙаҡ — Өфө маршрутын туристарға уңайлы булһын өсөн ойошторғайны. Был поезд менән Өфөнән Урал аръяғындағы тау саңғыһы курортына барып ҡайтырға мөмкин.
https://www.bashinform.ru/news/social/2022-01-11/v-marshrute-poezda-ufa-novoabzakovo-poyavitsya-novaya-ostanovka-2650347