Өфөлә Африканан ҡайтҡан яҡташтарыбыҙҙың анализ һөҙөмтәләрен көтәләр

31 декабрҙә Танзаниянан ҡайтҡан өс яҡташыбыҙҙа «омикрон» асыҡланыуы ихтимал. Африканың ошо илендә коронавирустың яңы штамы таралған да инде.

Был пассажирҙарҙа ковид табылған, штамдарҙы аныҡлау өсөн анализдар Мәскәүҙең «Вектор» ғилми-тикшеренеү институтына ебәрелгән, тип хәбәр иткәйнеләр Роспотребнадзорҙан 4 ғинуарҙа.

Танзаниянан ҡайтҡан туристар сирҙең еңел формаһы менән дауаханала, айырым бокстарҙа ята. Башҡа пассажирҙар иһә 14 көн изоляцияла ултырырға тейеш.

Һөҙөмтәләр әлегә билдәһеҙ, тип белдерҙеләр Роспотребнадзорҙа.

 https://www.bashinform.ru/news/social/2022-01-11/v-ufe-ozhidayut-rezultatov-analizov-u-mestnyh-zhiteley-pribyvshih-iz-afriki-2650200