Башҡортостан һәм Өфө яңылыҡтары
76.69
+0.25
86.91
+0.08
87.62
-0.6
-12 °C
Болотло
Бөтә яңылыҡтар
Йәмғиәт
14 Декабрь 2021, 11:29

Яңы йыл төнөндә Өфөлә ике салют була

Өфө хакимиәтендә уҙған оператив кәңәшмәлә мәҙәниәт һәм сәнғәт идаралығы етәксеһе Шамил Абдраҡов баш ҡаланың ике майҙанында — «Моторҙар эшләүселәр» мәҙәниәт һарайы алдында һәм Ленин исемендәге майҙанда байрам салюты буласағын әйтте.

«Киске сәғәт 11-се яртынан төнгө 3-сө яртыға тиклем эстрада-күңел асыу программаһы ойошторола. Рус драма театры алдында йондоҙҙар һәм ижади коллективтар сығыш яһай. Салют төнгө 2-лә була», - тине Шамил Абдраҡов.

Өфөлә байрам саралары, бөтә санитар-эпидемиологик хәүефһеҙлек сараларын теүәл үтәп, 22 декабрҙә башлана һәм 15 ғинуарғаса дауам итә. Ҡала Советында һәм «Торатау» конгресс-холы янындағы майҙанда баш ҡаланың төп шыршыларын рәсми асыу планлаштырыла.  Ә яңы төҙөлгән яр буйында һырғалаҡ асыла. 23 декабрҙә бында Ҡыш бабайҙар парады була. 2-10 ғинуарҙа киске сәғәт 5-тә Ленин һәм Салауат Юлаев майҙандарында, яр буйында ғаилә байрамдары ойошторола.

Баш ҡаланың коммуналь хужалыҡ һәм төҙөкләндереү идаралығы етәксеһе Рөстәм Хәмитов һүҙҙәренсә, Яңы 2022 йыл алдынан сағыу иллюминация киске сәғәт 5-тән төнгө 1-гә һәм таңғы 6-нан иртәнге 9-ға, ә яңы йыл байрамдарында киске 5-тән иртәнге 9-ға тиклем эшләй.