Башгидромет синоптиктары ошо аҙнаға һауа торошо фаразын бирҙе. Был мәғлүмәтте улар бөгөн, 6 декабрҙә, хәбәр итте. Синоптиктар мәғлүмәтенә ярашлы, аҙнаның тәүге көндәрендә төндә һыуыҡ булыуы көтөлә.
«7 һәм 8 декабрҙә төндә -13, -18, аяҙытҡанда -20, -27, 7 декабрҙә көндөҙ -10, -15 градусҡаса һыуыта», — тип белдерҙе белгестәр.
8 декабрҙә республикала -3, -8 градусҡа тиклем йылыта. Урыны менән бер аҙ ҡар яуа, юлдарҙың айырым участкаларында боҙлауыҡ көтөлә.
9 декабрҙә йылы һауа торошо һаҡлана, уртаса һауа температураһы норманан 3-5 градусҡа юғары була. Ҡар яуыуы көтөлмәй.