Радий Хәбиров Салауат ҡалаһының белем биреү объекттары менән танышты

Фото:Башҡортостан Республикаһы Башлығы сайты

2 декабрҙә Башҡортостан Башлығы Радий Хәбиров Салауатҡа эш сәфәре барышында ҡаланың белем биреү объекттарында булды.

Калинин урамында республика етәксеһе 36-сы балалар баҡсаһының корпусын ҡараны. 1975 йылда төҙөлгән бинаға капиталь ремонт башҡарылған, ул 2021 йылдың башында файҙаланыуға тапшырылған. 1990 йылдарҙа балалар баҡсаһы йәмәғәт туҡланыуы урыны итеп үҙгәртелгән, һуңынан корпус бер нисә йыл буш торған.

Капиталь ремонт «Демография» милли проектын тормошҡа ашырыу барышында үткәрелгән. Төҙөүселәр фасадты яңыртҡан, эске биҙәү эштәрен башҡарған, коммуникацияларҙы алмаштырған, йылы иҙән түшәгән. Бүлмәләрҙә заманса һәм хәүефһеҙ мебель, аш-һыу әҙерләү өсөн ҡорамалдар, һаҡ системаһы, видеокүҙәтеү ҡуйылған, биләмә төҙөкләндерелгән. 2021 йылдың февралендә яңы корпуста тәүге тәрбиәләнеүселәрҙе ҡабул иткәндәр.

«Башҡортостандың байтаҡ ҡалаларында ошондай буш биналар бар. Яйлап ошо йәһәттән тәртип булдырабыҙ — емереү йәки реконструкциялау тураһында ҡарар ҡабул итәбеҙ, — тине Радий Хәбиров. — Салауатта сифатлы капиталь ремонт эштәрен башҡарҙыҡ, күркәм балалар баҡсаһы ҡалҡып сыҡты».

2023 йылда Салауат ҡалаһы үҙенең 75 йыллығын билдәләй. Был уңайҙан «Көнсығыш» биҫтәһендә 1 175 урынлыҡ заманса мәктәп һалыу планлаштырыла.

Радий Хәбиров йәй көнө төҙөлөш эштәрен башлап ебәреү өсөн республиканың 2022 йылға бюджетында ошо мәктәпте төҙөүгә сығымды күҙ уңында тоторға ҡушты.

«Ҙур ҡалаларыбыҙҙа, ысынлап та, мәктәптәр етешмәй. Салауат хакимиәте башлығы Игорь Геннадьевич Миронов әйтеүенсә, һуңғы тапҡыр бында мәктәп 1994 йылда асылған, — тип билдәләне Радий Хәбиров. — Шул уҡ ваҡытта ҡала үҫешә, яңы, әүҙем үҫешкән биҫтә барлыҡҡа килде. Шуға күрә төҙөрбөҙ. Был халыҡҡа ҡаланың юбилейы уңайынан лайыҡлы бүләк булыр».

Яңы объект төҙөү Салауат ҡалаһында Рәсәй Президенты Владимир Путин башланғысы менән тәҡдим ителгән дөйөм белем биреү учреждениеларын капиталь ремонтлау федераль программаһын тормошҡа ашыра башларға мөмкинлек бирә. Төҙөкләндерелергә тейешле мәктәптәрҙең уҡыусылары ваҡытлыса яңы белем биреү үҙәгендә уҡый ала.

Читайте нас:

Рубрики

Электрон почта

inf@bashinform.ru

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

ok@bashinform.ru

© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Об использовании персональных данных

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».