Башҡортостан һәм Өфө яңылыҡтары
76.69
+0.25
86.91
+0.08
87.62
-0.6
-10 °C
Ҡар
Бөтә яңылыҡтар
Йәмғиәт
3 Декабрь 2021, 15:08

Киң мәғлүмәт сараларында дәүләт телдәрен үҫтереүҙе иң яҡшы яҡтыртыуға конкурс иғлан ителде

Башҡортостан Республикаһының Матбуғат агентлығы киң мәғлүмәт сараларында республиканың дәүләт телдәрен һәм халыҡтары телдәрен үҫтереүҙе иң яҡшы яҡтыртыуға конкурс иғлан итте.

Ошо йылдар эсендә конкурс ҙур популярлыҡ яуланы, унда ҡатнашыусылар йылдан-йыл арта. Быйыл да тәҡдим ителгән тема гәзит-журнал биттәрендә, интернет-баҫмаларҙа, радио-телевидение эфирында төрлө яҡтан асылыр тип ышанабыҙ.

Конкурста республика гәзит-журналдары,  ҡала, район гәзиттәре редакциялары, шулай уҡ республика электрон киң мәғлүмәт саралары ҡатнаша ала. Положение ведомствоның рәсми сайтында баҫылған.

Конкурсҡа 2021 йылдың 1 ғинуарынан 20 декабренә тиклем донъя күргән материалдар ҡабул ителә, уларҙың иҫәбе сикләнмәгән. Эштәр 2021 йылдың  20 декабренә хәтлем [email protected] электрон адресына йәки түбәндәге адресҡа ҡабул ителә: 450077, Өфө ҡалаһы, Киров урамы, 45, 420-се бүлмә, баҫма матбуғат саралары бүлеге. Телефон: 8 (347) 218-07-72.

Билдәләнгән ваҡыттан һуң ебәрелгән материалдар  конкурста ҡатнашмай.

Автор:Ләйлә Аралбаева