Республикала грипп һәм ОРВИ менән сирләүселәр күбәйә, эпидемик сик 14,4% артҡан, тип хәбәр итте Роспотребнадзорҙың республика буйынса идаралығы.
Өлкәндәр араһында сирлеләр күп, бынан алдағы аҙна менән сағыштырғанда ауырыуҙарҙың 16,2% артыуы күҙәтелә.
19-25 ноябрҙә республикала грипп һәм киҫкен респиратор вирус инфекцияһын йоҡтороуҙың 22 130 осрағы теркәлгән. Шул иҫәптән балаларҙа – 10 789 осраҡ, был сирлеләрҙең дөйөм һанынан 48,7% тәшкил итә.