Башҡортостанда яңы йыл корпоративтарын, иртәлектәрен һәм спектаклдәрен ойоштороу тәртибе билдәле булды
25 ноябрҙә Республикаға идара итеү үҙәгендә Башҡортостан Хөкүмәте Премьер-министры Андрей Назаров төбәктә коронавирус инфекцияһы таралыуына юл ҡуймау буйынса оператив штаб ултырышын үткәрҙе
Андрей Назаров Һаулыҡ һаҡлау министрлығына COVID-19-ға тест яһау күләмен арттырырға һәм прививка кампанияһы темпын үҫтерергә ҡушты.
«Вакцинациянан башҡа юлыбыҙ юҡ, – тине Башҡортостан Хөкүмәте Премьер-министры. – Яңы йылды яҡындарыбыҙ һәм дуҫтарыбыҙ менән ҡаршы алырға теләйбеҙ икән, прививка эшләтергә, санитар талаптарҙы үтәргә, йәмәғәт урындарында битлек кейеп йөрөргә, һаулыҡты ҡайғыртырға кәрәк».
Төрлө министрлыҡ етәкселәре яңы йыл корпоративтарын, иртәлектәрен һәм спектаклдәрен ойоштороу тәртибе тураһында һөйләне.
Республиканың сауҙа һәм хеҙмәттәр министры Алексей Гусев йәмәғәт туҡланыуы учреждениеларында ла санитар талаптарҙың теүәл үтәлеүен белдерҙе.
«50 һәм унан күберәк кешегә иҫәпләнгән урындарға QR-код менән генә индерәләр. Яңы йыл корпоративтарында ла, шулай уҡ декабрҙә ресторан-кафеларҙа хеҙмәтләндергән ваҡытта ла ошондай эш режимы ғәмәлдә була», – тине ведомство етәксеһе.
Балалар баҡсаларындағы яңы йыл иртәлектәренә вакцинация тураһында сертификаты йәки алты ай эсендә сирләү хаҡындағы белешмәһе булған ата-әсәләрҙе саҡырырға рөхсәт ителде, тип белдерҙе Башҡортостандың мәғариф һәм фән министры Айбулат Хажин.
Башҡортостандың мәҙәниәт министры Әминә Шафиҡова театр коллективтарының яңы йыл спектаклдәрен күрһәтергә әҙерләнеүен әйтте.
«Өлкәндәрҙе концерт залдарына прививка тураһында сертификат йәки сирҙе үткәреү тураһында белешмә менән индерәбеҙ. Урындар араһында социаль арауыҡ һаҡлана. Шыршы тирәләй әйлән-бәйлән уйнау тыйыла», – тине мәҙәниәт министры.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.