Башҡортостан һәм Өфө яңылыҡтары
75.59
0
84.95
0
72.89
-9.33
-8 °C
Болотло
Бөтә яңылыҡтар
Йәмғиәт
25 Ноябрь , 15:02

Пандемия башланғандан алып республикала оло йәштәге өс мең кеше COVID-19 ҡорбаны булған

Фото:Валерий Шахов

Уҙған тәүлектә Башҡортостанда COVID-19 йоҡтороуҙың 672 осрағы асыҡланған. Пандемия башланғандан бирле республикала 103 меңдән ашыу яңы коронавирус инфекцияһы осрағы теркәлгән, тип хәбәр иттеләр республика Һаулыҡ һаҡлау министрлығының матбуғат хеҙмәтенән.

Әлеге ваҡытта стационарҙа 580-гә яҡын пациент дауалана, уларҙың 370-тән ашыуы — 60 йәштән өлкәндәр.

100 сирленең хәле ауыр, бишәүһе үпкәне яһалма елләтеү аппаратында ята. Ә 7,1 меңдән ашыу кеше өйөндә дауалана, уларҙың 5,4 меңдән күберәге — 60 йәштән оло пациенттар.

«Тәүлек эсендә коронавирустан 33 үлем осрағы теркәлгән. Пандемия башланғандан алып Башҡортостанда 3 380 кешенең ғүмере өҙөлгән, уларҙың 3 006-һы — өлкән йәштәгеләр», — тип белдерҙеләр республиканың Һаулыҡ һаҡлау министрлығында.

Автор:Галина Бахшиева