Башҡортостандың баш ҡалаһында халыҡтың 82 проценты яңы коронавирус инфекцияһынан прививка яһатҡан. Өфө хакимиәте башлығы Сергей Греков һүҙҙәренсә, уҙған аҙнала баш ҡала ошо кимәлгә еткән.
«Бөгөн был күрһәткес 82 процентҡа тиң, – тине ҡала мэры. – Сәнәғәт предприятиеларында вакцинация буйынса эште дауам итергә һәм көсәйтергә кәрәк».
Роспотребнадзорҙың республика идаралығы етәксеһе урынбаҫары Галина Пермина һүҙҙәренсә, ҡайһы бер предприятиеларҙа хеҙмәткәрҙәргә прививка эшләү күрһәткесе 100 процентҡа етмәгән.