Радий Хәбиров карьерҙар тураһында: Хәлгә иғтибар итмәһәк, Аҡ йорт алдында ҡом сығара башларҙар

Ҡырмыҫҡалы районының Оло Талпаҡ күле янында бер ниндәй ҙә карьер булмай, тип белдерҙе Башҡортостан Башлығы Радий Хәбиров бөгөн хөкүмәттәге оператив кәңәшмәлә.

Уның һүҙҙәренсә, күл эргәһендә карьер ҡаҙыуға лицензия 2015 йылда уҡ бирелгән, әлбиттә, быны эшләргә ярамаҫ ине. Республика етәксеһе хөкүмәт премьер-министры урынбаҫары Азат Баҙрановҡа пробеманы юридик яҡтан хәл итеү юлын табырға ҡушты.

«Бындай объекттарға тейергә ярамай, тигән фекерҙәмен. Әгәр беҙ хәлгә иғтибар итмәһәк, Аҡ йорт алдында ҡом сығара башларҙар», — тине Радий Хәбиров.

Вице-премьер Азат Баҙранов 6 ноябрҙә урындағы халыҡ менән осрашыуҙа ҡатнашыуы хаҡында һөйләне.

«Халыҡ ғәҙел асыулана, тип әйтә алам, күлдең әһәмиәте бик ҙур, был — күптәрҙең ял итеү урыны, районда иң ҙуры. «Ибраһим» ойошмаһы 2015-2018 йылдарҙа уҡ лицензиялар алған, район хакимиәте сәнәғәт үҫеше, завод төҙөү, ҡырсынташ сығарыу өсөн башҡа урындар ҙа тәҡдим иткән, ләкин компания әлегә баш тарта. Ведомство-ара комиссия район хакимиәтенә күлгә һаҡлана тигән статус бирергә тәҡдим итте», — тип билдәләне вице-премьер.

Радий Хәбиров республиканың тәбиғәттән файҙаланыу һәм экология министры Урал Искәндәровты ведомствоның ошо йүнәлештә һүлпән эшләгәне өсөн тәнҡитләне.

«Беҙҙең бынан алдағы ҡарарҙарҙы нисек бойомға ашырыуығыҙҙы ҡарағым килә. Тиҙҙән Урал аръяғына тикшереү менән сығам, әгәр унда хәл үҙгәрмәһә, ҡыйын булыр. Шуның өсөн бер министрҙы эшенән бушатҡанымды хәтерләйһегеҙҙер. Ә Ҡырмыҫҡалы районынан бик күп ялыуҙар килә, бөтә районды аҡтарып сыҡҡандар. Беҙгә карьерҙар кәрәк, әлбиттә, республикала ҙур юл төҙөлөшө алып барыла. Ләкин барлыҡ эштәр лицензияларға ярашлы алып барылырға, бөтә шарттар үтәлергә тейеш», — тине Башҡортостан Башлығы.

Республика етәксеһе Ер аҫтын файҙаланыусылар эшмәкәрлеге мәсьәләләре һәм ер аҫтын файҙаланыу өлкәһендә хоҡуҡ боҙоуҙарҙы иҫкәртеү буйынса ведомство-ара комиссияһына Ҡырмыҫҡалы районын, Урал аръяғы райондарын кеүек үк, контролгә алырға ҡушты. Ике айҙан экология министры Ҡырмыҫҡалы районында ниндәй эштәр башҡарылғаны хаҡында мәғлүмәт еткерергә бурыслы. Иглин, Өфө һәм башҡа райондар ҙа иғтибар үҙәгенә алына.

Автор:Азат Ғиззәтуллин

Читайте нас:

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».