Өфөлә оло йәштәге ҡатын берәҙәк бесәйҙәрҙе ашатырға маташҡаны өсөн 10 йәшлек ҡыҙҙы туҡмаған

Аноним сығанаҡ мәғлүмәте буйынса кисә көндөҙ Ладыгин урамының №13/1 йорто янында 10 йәшлек ҡыҙ бесәйҙәрҙе ашатырға булған. Ул хайуандарҙы ярата һәм уларҙы һыйларға ата-әсәһе биргән аҡсаға аҙыҡ һатып ала. Ладыгин урамында бесәйҙәр өсөн махсус оялар ҙа ҡоролған.

«Шул мәлдә йортта йәшәүсе адекват түгел ҡатын ҡыҙҙы сәсенән эләктергән һәм башы менән ояға бәрергә тотонған. Урамдан үтеп барған ир ҡыҙға ярҙамға ашыҡҡан», - тип һөйләгән аноним.

Ҡыҙ тән йәрәхәттәре алған, ата-әсәһе полицияға мөрәжәғәт иткән.

«Билдәһеҙ ҡатын ҡыҙыма тән йәрәхәттәре яһаны тип дежур часҡа мөрәжәғәт итеү булды. Был ваҡиға буйынса тикшереү бара.  Суд-медицина экспертизаһы үткәреләсәк, уның йомғаҡтары буйынса процессуаль ҡарар сығарыласаҡ. Һөжүм итеүсенең шәхесе асыҡланған, полиция хеҙмәткәрҙәре унан һорау алған», - тип белдерҙеләр «Башинформ»ға Рәсәй Эске эштәр министрлығының БР буйынса матбуғат хеҙмәтенән.

https://www.bashinform.ru/news/social/2021-10-20/v-ufe-babushka-izbila-10-letnyuyu-devochku-za-popytku-pokormit-bezdomnyh-koshek-2553654