93.44
-0.65
Башҡортостан һәм Өфө яңылыҡтары
99.58
-0.95
87.39
+0.28
23+ °C
Ясна
Бөтә яңылыҡтар
Йәмғиәт
19 Октябрь 2021, 13:45
Башҡортостанда алданған өлөшсөләр проблемаһын 2023 йылдың аҙағына тиклем хәл итергә вәғәҙәләйҙәр
«Башинформ» мәғлүмәт агентлығы
Октябрь айына ҡарата республикала ЕРПУ берҙәм реестрында 120 проблемалы объект бар. Зыян күргән граждандар реестрында 7 мең кеше иҫәпләнә.
Быларҙың барыһы тураһында Республика менән идара итеү үҙәге БР Төҙөлөш һәм архитектура министрлығы менән Башҡортостан юлдаш телевидениеһы эфирында ойошторған махсус брифингыла төбәктең төҙөлөш һәм архитектура министры урынбаҫары Артем Ковшов әйтеп үтте.
Башҡортостанда алданған өлөшсөләрҙең проблемаларын хәл итеүҙә властарҙың системалы ҡарашы төҙөлгән. Иҫегеҙгә төшөрәбеҙ, 2019 йылда Өлөшсөләрҙең хоҡуҡтарын яҡлау буйынса фонд төҙөлдө.
Шул ваҡыттан бөгөнгә тиклем республика көсө менән 26 проблемалы йорт төҙөлөшө тамамланған һәм 2 824 өлөшсөнөң хоҡуғы яҡланған. Быйыл ғына реестрҙан 10 объект алынған һәм 724 кеше үҙ торлағына эйә булған. Фатир һатып алғанда зыян күргән башҡаларҙың ихтыяжын ҡәнәғәтләндереү өсөн юл картаһы төҙөлгән. Уның буйынса 2023 йылдың аҙағына тиклем проблемалы объекттарҙы төҙөп бөтөрөләсәк, йәиһә Алданған өлөшсөләрҙең хоҡуҡтарын яҡлау буйынса фонды, республика йәки төҙөлөш компанияларҙың көсө менән аҡса ҡайтарыласаҡ.
Фонд япрҙамында 80 объектты, республика һәм төҙөлөш компаниялары көсө менән 18 йортто тамамлау ҡаралған. Ҡалған 9 йорт буйынса эштәр 2023 йыл аҙағына тиклем башҡарыласаҡ. Бының өсөн инвестиция проекттары үтәлә, төҙөүсе компанияны алмаштырыу варианты ла ҡаралған.
«Алданған өлөшсөләрҙең проблемаларын хәл итеүҙә беҙҙә вариант бар: йорттарҙы төҙөүҙе тамамлау йәки граждандарға аҡсаларын индекслап ҡайтарыу. Был юҫыҡта өс механизм эшләй — улар федераль фонд, республика механизмы һәм ғәмәлдәге төҙөлөш фирмаларын үҙ объекттарын тамамларға мәжбүр итеү. Проблемалы объекттарҙың берҙәм реестрына ингән һәр объект буйынса ҡарап, беҙ уның буйынса түләү буламы әллә төҙөлөп бөтәме икәнен белеп торабыҙ. Хәл итеүҙең төп шарттары булып иҡтисади ҡулайлылыҡ һәм РФ Президенты ҡушыуы буйынса төҙөлөш тамамланыу ваҡытын үтәү тора. Әгәр ҙә ваҡыт буйынса өлгөртә алмаһаҡ һәм шул уҡ мәлдә түләүҙәр ҡиммәтерәк булһа беҙ түләүҙәргә күсәсәкбеҙ», – тине Артем Ковшов.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».