Башҡортостан һәм Өфө яңылыҡтары
74.06
+0.09
83.81
-0.02
70.18
+0.51
-3 °C
Болотло
Бөтә яңылыҡтар
Йәмғиәт
18 Октябрь , 12:36

 Башҡортостанда фән һәм техника өлкәһендә дәүләт премияһы күләме артасаҡ

«Башинформ» мәғлүмәт агентлығы
Бөгөн БР Хөкүмәтендәге оператив кәңәшмәлә төбәк етәксеһе Радий Хәбиров Финанстар министрлығына фән һәм техника өлкәһендә йәш ғалимдарға дәүләт премияһы күләмен арттырыу һорауы менән шөғөлләнергә ҡушты.
Иҫегеҙгә төшөрәбеҙ, фән һәм техника өлкәһендәге БР дәүләт премияһы һәр береһе 500 мең һумдан өсәү итеп ике йылға бер тапҡыр тапшырыла. Ул тәбиғи, техник һәм гуманитар фәндәрҙе үҫтереү өсөн фәнни эҙләнеүҙәр, иҡтисад һәм социаль сфераны инновацион үҫтергән яңы техник һәм прогрессив технологиялар булдырған өсөн бирелә.
Ошо көндәрҙә төбәктең 12 ғалимы премияның 2021 йылғы лауреаттары булды.
«Беҙ фән һәм техника үҫешен ҡорал итеп алдыҡ. Ошо сәбәпле киләһе йылдан беҙ дәүләт премияһын арттырып, уны йыл һайын тапшырырбыҙ тип уйлайым. Был беҙҙең ғалимдарға яҡшы ярҙам буласаҡ», — тине Радий Хәбиров.
Автор:IMPORT Сервисный