Башҡортостан һәм Өфө яңылыҡтары
74.06
+0.09
83.81
-0.02
71.95
+2.28
0 °C
Болотло
Бөтә яңылыҡтар
Йәмғиәт
15 Октябрь , 12:00

Республикала йәнә урман янғындары теркәлгән

Башҡортостан биләмәһендә урман яныуҙың беренсе осрағы Әлшәй районының Әүрез ауылынан алты саҡрымда теркәлгән. Бының турала Рәсәй Ғәҙәттән тыш хәлдәр министрлығының Башҡортостан буйынса идаралығы матбуғат хеҙмәте хәбәр итә.
«Утҡа кәртә булып урман юлы ята, ауылға тоҡанып китеү хәүефе юҡ. Ут 21 га майҙанда локалләшкән. Янғынды һүндереү дауам итә», — тип белдерҙеләр ведомствонан.
Шул уҡ Әлшәй районының Отрада ауылынан алты саҡрымда ла урман янып киткән. Унда ла утҡа грунтлы юл кәртә булған.
«Янғын 8 гектар майҙанда локалләшкән, уны һүндереү дауам итә, — тине ҡотҡарыусылар. — Шул уҡ йәһәттән республика биләмәһендә тәүлек эсендә 29 термик нөктә билдәләнгән, уларҙың 20-һе раҫланған».
Автор:«Башинформ» мәғлүмәт агентлығы