Башҡортостан һәм Өфө яңылыҡтары
74.06
+0.09
83.81
-0.02
71.95
+2.28
0 °C
Болотло
Бөтә яңылыҡтар
Йәмғиәт
15 Октябрь , 10:10

Элвин Грей оҙаҡ уйланғандан һуң коронавирустан прививка яһатҡан

Башҡортостан Башлығының мәҙәниәтте һәм йәштәр сәйәсәтен үҫтереү мәсьәләләлре буйынса кәңәшсеһе Радик Юлъяҡшин (Элвин Грей) оҙаҡ уйланғандан һуң COVID-19-ҙан прививка яһатҡан.
Артист социаль селтәрҙәрҙәге үҙенең сәхифәләренә яҙылыусыларына “бөтә кире һәм ыңғай яҡтарын уйланым да, табип менән кәңәшләшеп быны эшләнем” тигән.
«Мин хәҙер COVID-19-ҙан прививка яһаттым. Йәмғиәттә даими булғанда беҙ үҙебеҙҙең генә түгел, шулай уҡ башҡаларҙың һаулығы өсөн дә яуаплы. Әлеге ваҡытта тап вакцина ярҙамында вирустарҙан ышаныслы һаҡланып булла. Һәр беребеҙҙең үҙенсә һайларға хоҡуғы бар, мин бары тик үҙемдеке менән бүлешәм. Яҡындарығыҙҙы һәм үҙегеҙҙе һаҡлағыҙ», — тип яҙған популяр артист.
Быға тиклем Башҡортостандың һаулыҡ һаҡлау министры Максим Забелин кешеләр әүҙем прививка яһата башланы тип белдерҙе. Төбәктә яңы коронавируслы инфекцияға ҡаршы вакцинаның беренсе компонентын 1 374 700 кеше ҡабул иткән, икенсеһен 1 238 126 кеше яһатҡан. Республикала коллектив иммунитет булдырылһын өсөн 1,9 млн кеше вакцина ҡаҙатырға тейеш.
Әлеге ваҡытта төбәктә прививка яһатыу өсөн 145 пункт асылған. Өфөлә «Торатау» Конгресс-холында, «Башкирия» лайфстайл-үҙәгендә, «Планета» сауҙа үҙәгендә төшкө сәғәт 1-ҙән киске сәғәт 7-гә тиклем мобиль пункттар эшләй. Йәшәгән урындағы поликлиникаларҙа ла вакцинация үтергә мөмкин.
Автор:«Башинформ» мәғлүмәт агентлығы