Башҡортостан һәм Өфө яңылыҡтары
73.67
-0.07
83.11
-0.13
73.67
+0.59
-20 °C
Болотло
Бөтә яңылыҡтар
Йәмғиәт
15 Октябрь , 18:22

 Башҡортостандың Ғафури районында шишмә төҙөкләндерелгән

Яугилде ауылы янындағы Ҡолош шишмәһе һыу үткәргес ҡоролғанға тиклем әллә нисәмә быуын кешене һыу менән тәьмин иткән. Күптән түгел ул яңырыш кисерҙе.
«Атайсал» республика проекты буйынса шишмәне төҙөкләндереү һәм уның эргә-тирәһен тәртипкә килтереү идеяһының авторы ошо ауылда тыуып үҫеүсе, БР Милли архивы директоры урынбаҫары, билдәле журналист яҙыусы һәм йәмәғәт эшмәкәре Ниязбай Сәлимов булған. Һәр кемдең хәленән килгәнсе иғәнә йыйғандан һуң әүҙемдәр ҡоҙоҡ ҡулсалары, торба ҡуйған, тирә-яҡты тәртпикә килтергән, беседка урынлаштырған, кәртәне буяған.
Ошо көндәрҙә бәләкәй булһа ла, ауыл өсөн бик мөһим объектты асыу тантанаһы уҙҙы. Ҡоҙоҡ янына ололар, урта йәштәгеләр һәм балалар йыйылды. Йыр-моң менән күңел асыу, ижад номерҙары рәсми кешеләрҙең сығышы менән оҙатылып барҙы. Шишмәнең матурлығын элекке хәленә ҡайтарыуҙа әүҙем булыусыларға Рәхмәт хаттары һәм иҫтәлекле бүләктәр бирелде, аҙаҡтан шишмә янында ағастар ултыртылды. Сара һуңында күмәкләшеп сәй эсеү, фотоға төшөү булды.
«Ҡолош шишмәһе ауылдан ситтә булһа ла, ысын мәғәнәлә уның күркенә әйләнде. Киләсәктә бында ысын парк барлыҡҡа киләсәк, ауылдаштар һәм ҡунаҡтар унда тәбиғәт ҡосағында рәхәтләнеп ял итәсәк», – тип проектты тормошҡа ашырыусы Ниязбай Сәлимов.
Автор:IMPORT Сервисный