Башҡортостан һәм Өфө яңылыҡтары
74.06
+0.09
83.81
-0.02
71.95
+2.28
0 °C
Болотло
Бөтә яңылыҡтар
Йәмғиәт
14 Октябрь , 09:00

Башҡортостанда 1 миллиондан ашыу кеше киҙеүгә ҡаршы прививка яһатҡан

Республикала киҙеүгә ҡаршы прививка кампанияһы бара. Төбәк Роспотребнадзорынан хәбәр итеүҙәренсә, әлеге ваҡытта 1 033 042 кеше вакцина ҡаҙатҡан, араһында 17 336 бала бар. Был республика дөйөм халҡының 25,6%-тын тәшкил итә.
Киҙеү киҫкен вирус инфекцияһы (ОРВИ) булып тора. Ул һауа-тамсы юлы менән тарала, ҡапыл башлана, тән температураһы 38 °C һәм унан юғарыраҡ була, организмға дөйөм интоксикация яһай, тын алыу юлдарын зарарлай. Киҙеү өҙлөгөүҙәр һәм үлем хәүефе менән янай.
Быйылғы киҙеү миҙгеле яңы коронавируслы инфекция эпидемияһы менән тап килгәс, медиктар фекеренсә киҙеүгә ҡаршы прививка яһатыу мөһим. Ул ни тиклем иртәрәк башҡарылһа, шул хәтлем яҡшы буласаҡ тиҙәр. Әгәр ҙә ике инфекция бер юлы йоҡһа, бының насарыраҡ эҙемтәләргә килтереүе мөмкин.
Киҙеүгә ҡаршы йыл да вакцина яһатыу был сирҙе иҫкәртеү һәм унан килеп тыуған өҙлөгөүҙәргә ҡаршы иң ышаныслы сара булып ҡала. Әле ҡулланылған вакцина миҙгелгә тура килгән сир штамдарына ҡаршы тулыһынса яраҡлашҡан.
Автор:«Башинформ» мәғлүмәт агентлығы