Башҡортостан һәм Өфө яңылыҡтары
74.06
+0.09
83.81
-0.02
71.95
+2.28
0 °C
Болотло
Бөтә яңылыҡтар
Йәмғиәт
14 Октябрь , 14:18

Башҡортостан Дәүләт Йыйылышы коллекторҙарға ялыуҙар арҡаһында «Элемтә тураһында»ғы законды үҙгәртергә тәҡдим итә

БР Дәүләт Йыйылышы – Ҡоролтай депутаттары «Элемтә тураһында»ғы Федераль законына өҫтәмәләр индереүгә тәҡдим яһаны. Улар фекеренсә, унда абоненттар–юридик шәхестәр тураһында мәғлүмәт алыу тәртибе яйға һалынмаған. Эш тәжрибәһе буйынса хоҡуҡ боҙоуҙы асыҡлау өсөн бындай мәғлүмәтте алыу кәрәклеге хәлдәре булып тора.
«Суд приставтарының федераль хеҙмәтенә даими рәүештә коллектор ойошмаларының эшенә ҡарата ялыуҙар килә. Улар ҡайһы берендә хоҡуҡ сиктәренән сыға һәм шылтыратып, янап бурыслыларға тура мәғәнәлә террор яһай. Хоҡуҡ боҙоуҙы иҫбатлау һәм абонент номеры коллектор ойошмаһы эйә икәнен күрһәтеү өсөн суд приставтары хеҙмәте тейешлесә мәғлүмәткә эйә булырға тейеш», — тип белдерҙе Башҡортостан парламенты рәйесе Константин Толкачев.
Парламент спикеры аныҡлап китеүенсә абоненттар тураһында белешмә ҡулланыуға сикләнгән мәғлүмәт булып тора һәм уларҙың рөхсәтһеҙ тик айырым осраҡтарҙа ғына ебәрелергә тейеш. Был осраҡтар «Рәсәй Федерацияһы прокуратураһы тураһында», «Федераль именлек хеҙмәте тураһында», «Оператив-эҙләү эшмәкәрлеге тураһында», «Башҡарма производство тураһында», «Полиция тураһында» закондарында һәм башҡаларында яҙылған.
«Граждандар-абоненттар тураһында мәғлүмәтте алыу тәртибе раҫланған булһа, юридик шәхестәр-абоненттарға ҡарата быны хоҡуҡи көйләү талап ителә. Беҙ тәҡдим иткән закон проекты был юҫыҡты тулыландырырға ярҙам итәсәк».
Автор:IMPORT Сервисный