Башҡортостан һәм Өфө яңылыҡтары
76.87
+0.54
87.13
+0.11
87.79
-0.65
-10 °C
Ҡар
Бөтә яңылыҡтар
Йәмғиәт
4 Октябрь 2021, 13:47

Башҡортостан Башлығы коронавирус менән ауырығандарҙы госпиталь коридорҙарында дауалауҙарын йәшермәй

«Башинформ» мәғлүмәт агентлығы
Башҡортостан Башлығы Радий Хәбиров республика хөкүмәтенән һәм Финанс министрлығынан һаулыҡ һаҡлау өлкәһенең үтенестәренә ваҡытында яуап биреүҙәрен һәм тейешенсә аҡса бүлеүҙәрен һораны. Республика етәксеһе һүҙҙәренсә, хәҙер бюджеттан йәнә яңы коронавирус инфекцияһына ҡаршы аҡса бүленә башлай.
«Халыҡтың һаулығы ҡәҙерлерәк, — тине Радий Хәбиров. – Беҙ Башҡорт дәүләт медицина университетының өлкән курс студенттарына иҫәп тотабыҙ, шулай уҡ «Берҙәм Рәсәй»ҙең ирекмәндәренә өмөтләнәбеҙ. Муниципалитет башлыҡтары, амбулатор ярҙам күрһәткән табиптарға автомобилдәр бүлеүҙе контролдә тотоғоҙ. Йәшереп тормайым, ковид-госпиталдәрҙә сирлеләр коридорҙа ята. Табиптар ауыр режимда эшләй. Хәл ҡатмарлы».
Башҡортостандың һаулыҡ һаҡлау министры Максим Забелин һүҙҙәренсә, пандемия башланғандан алып республикала 68 797 кешелә COVID-19 диагнозы раҫланған. Һуңғы тәүлектә 488 яңы осраҡ асыҡланған. Әле 846 кеше – дауаханала, 44-нең хәле ауыр, 17-һе — үпкәне яһалма елләтеү аппаратында.
Республикала коронавирус һәм пневмония менән сирләгән пациенттар өсөн 6 550 урын әҙерләнгән, уларҙың 92% тулған. Кисә Өфөнөң 13-сө дауаханаһында ковид-госпиталь асылды, үҙәк район дауаханаларында ла урындар күбәйә.
Автор:«Башинформ» мәғлүмәт агентлығы