Республикала Шүлгәнташ мәмерйәһе янындағы Ығышма күленең һыуы киткән

Бәйләнештә

«Башинформ» мәғлүмәт агентлығы

Сәбәбе – быйылғы йәйҙең ҡоро килеүендәлер, моғайын. Бындай күренеш йөҙ йыл эсендә өсөнсө тапҡыр теркәлә. Әйткәндәй, Ығышма менән ошондай уҡ хәл 1921 һәм 1975 йылда ла булған, ти Бөрйән районы халҡы.

Республиканың күсемһеҙ мәҙәни мираҫ объекттарын һаҡлау һәм файҙаланыу буйынса ғилми-етештереү үҙәге директоры Данир Ғәйнуллин социаль селтәрҙәге сәхифәһендә ҡыҙыҡлы тәбиғәт күренеше хаҡында хәбәр итте.

Ығышма – Йылҡысыҡҡан, Олокүл һәм Заросшее күлдәре менән бергә карст ҡатламы убылыуы арҡаһында барлыҡҡа килгән һыу ятҡылыҡтары. Улар ғәйәт ҙур карст соҡоронан ғибәрәт. Күлдәр Шүлгән йылғаһы бассейнының урта өлөшөндә урынлашҡан.

Автор һүҙҙәренсә, Шүлгән – Ағиҙел йылғаһының уң ҡушылдығы – Шүлгән тауы итәгенән баш ала. 7,5 саҡрым юл үткәс, Сумған мәмерйәһенә, ер аҫтына төшөп китә һәм өс саҡрымдан һуң Шүлгәнташ мәмерйәһенең төпкө залдарының береһендә күренеп, ҡабат юғала ла мәмерйәгә ингән урында ҡеүәтле шишмә кеүек урғылып сығып, Зәңгәр күлде хасил итә.

«Беҙҙең номинацион досье буйынса эшләгән, Шүлгәнташ мәмерйәһен һәм уның эргә-тирәһен тикшергән ғалимдар әйтеүенсә, Шүлгән бассейнында карст соҡорҙары, ер аҫтындағы мәмерйәләр һәм йырындар бихисап. Әммә бығаса ер аҫты бушлыҡтарынан күлдәргә зыян килмәне. Ығышманың һыуы китеүенә быйылғы иҫ китмәле ҡоролоҡ сәбәпсе. Өс ай ямғыр яумауы, ер аҫты һыуҙары ҡороуы Ығышма соҡороноң убылыуына сәбәпсе булғандыр, күрәһең», – тине ғилми-етештереү үҙәге директоры.

https://www.bashinform.ru/news/1651456-v-bashkirii-ushla-voda-iz-ozera-ygyshma-vozle-kapovoy-peshchery-/

#ығышма күле

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.