Пятница, 1 Мая 2026

Уфа

+3 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

10:53 (UTC+5), 31 Августа 2021

Өфөлә Рәсәйҙең һәм Башҡортостандың дәүләт наградалары менән бүләкләү тантанаһы уҙҙы

Валерий Шахов

Азат Ғиззәтуллин

Бөгөн Өфөлә Башҡортостан Башлығы Хакимиәте етәксеһе Александр Сидякин Рәсәйҙең һәм Башҡортостандың дәүләт наградаларын тапшырҙы. Республиканың төрлө предприятие, ойошма һәм учреждениелар хеҙмәткәрҙәренең һөнәри ҡаҙаныштары ордендар, исемдәр һәм почёт грамоталары менән баһаланды.

«Бөгөн бында ысын хеҙмәт геройҙары менән булыуыма бик шатмын. Республика намыҫлы эшсәндәр, күренекле мәҙәниәт һәм мәғариф эшмәкәрҙәре, ғалимдар, һоҡланғыс табиптар, спортсылар, тәжрибәле идара хеҙмәткәрҙәре менән ғорурлана», — тине Александр Сидякин.

Уның һүҙҙәренсә, 2021йылда, Башҡортостанда федераль һәм донъя кимәлендәге ҙур саралар: VI Бөтә донъя фольклориадаһы, спорт көрәше буйынса юниорҙар араһында донъя беренселеге үтте. Йәкшәмбе IX «Йәш профессионалдар» (WorldSkills Russia) чемпионатын ябыу тантанаһы булды. Республикала сәнәғәт һәм бәләкәй эшҡыуарлыҡ үҫешә. Ҡоролоҡҡа ҡарамаҫтан, ауыл хужалығында тотороҡло күрһәткестәр һаҡланды. Бөтә социаль йөкләмәләр үтәлә.

Башҡортостан Башлығы Хакимиәте етәксеһе фекеренсә, барлыҡ ошо мөһим ҡаҙаныштарҙа бөгөн дәүләт наградалары алған кешеләрҙең өлөшө ҙур.

Тәжрибәле хужалыҡ итеүсе, Дүртөйлө районы «Еникеева» агропредприятиеһы етәксеһе Азат Хаҡов 30 йылдан ашыу күп йүнәлештәр буйынса эшләй – игендән мул уңыш йыйыуға һәм малсылыҡта сифатлы күрһәткестәргә өлгәшә.

Юрий Ергин 55 йылдан ашыу Башҡорт дәүләт университетында намыҫлы уҡытыусылыҡ эше менән шөғөлләнә. Юрий Викторович – билдәле уйлап табыусы, 300-ҙән артыҡ фәнни эш авторы. Ул күренекле тыуған яҡты өйрәнеүсе лә.

Бүләкләнеүселәр араһында бөгөн мәҙәниәт өлкәһе вәкилдәре күп ине. Рәсәй Президенты указы менән Заһир Исмәғилев исемендәге Өфө дәүләт сәнғәт институты профессоры, Рәсәйҙең атҡаҙанған артисы Иҙрис Ғәзиев һәм Мәжит Ғафури исемендәге Башҡорт академия драма театры актеры, режиссеры, Рәсәйҙең халыҡ артисы Хөрмәтулла Үтәшев Дуҫлыҡ ордены менән бүләкләнде.

«Башинформ» мәғлүмәт агентлығы фотохәбәрсеһе Олег Яровиков «Башҡортостан Республикаһының атҡаҙанған матбуғат һәм киң мәғлүмәт саралары хеҙмәткәре» тигән маҡтаулы исем алды.

Башҡортостандың мәҙәниәт министры Әминә Шафиҡова бөгөн Халыҡтар дуҫлығы ордены кавалеры булды. Был юғары награда — Мәҙәниәт министрлығы командаһының һәм 15 меңдән ашыу мәҙәниәт хеҙмәткәренең ҙур хеҙмәтенә баһа, тип билдәләне ул.

Тантананан һуң Александр Сидякин тағы бер тапҡыр бөтәһенә лә намыҫлы хеҙмәттәре өсөн рәхмәт белдерҙе һәм яңы уңыштар, ныҡлы һаулыҡ, именлек теләне.

https://www.bashinform.ru/news/1637283-v-ufe-proshla-tseremoniya-nagrazhdeniya-gosudarstvennymi-nagradami-rossii-i-bashkortostana/

1 из 32

#дәүләт наградалары

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.