Башҡортостан һәм Өфө яңылыҡтары
69.34
0
75.41
0
86.41
-1.06
-10 °C
Болотло
Бөтә яңылыҡтар
Йәмғиәт
23 Август 2021, 14:56

Башҡортостанда — янғынға ҡаршы режим, 41 муниципалитетта иһә ғәҙәттән тыш хәл режимы индерелде

Республика биләмәһендә юғары янғын хәүефенә бәйле янғынға ҡаршы махсус режим индерелде. Бынан тыш, 40 муниципаль районда һәм бер ҡала округында ауыл хужалығы культураларының һәләк булыуы сәбәпле ғәҙәттән тыш хәл режимы ғәмәлдә. Дүшәмбе хөкүмәттәге оператив кәңәшмәлә Башҡортостан Республикаһының Ғәҙәттән тыш хәлдәр буйынса дәүләт комитеты етәксеһе Фәрит Ғүмәров ошо турала белдерҙе.
Башгидромет мәғлүмәттәре буйынсаа, 21-27 августа республиканың күпселек райондарында ғәҙәттән тыш янғын хәүефе һаҡлана.
Башҡортостан Башлығы Радий Хәбиров тәбиғәт янғындарын һүндереү менән шөғөлләнгән Ғәҙәттән тыш хәлдәр министрлығы, урман хужалығы хеҙмәткәрҙәренә һәм ирекмәндәргә рәхмәт әйтте.
«Тәбиғәттең үҙ ҡануны. Синоптиктар белдереүенсә, аҙна аҙағына температура түбәнәйергә тейеш, төндә бер аҙ һалҡынайта, ямғыр көтөлә. Был аҙнала түҙергә кәрәк. Түҙербеҙ тип уйлайым», — тине Радий Хәбиров.
Республика етәксеһе муниципалитет башлыҡтарына мөрәжәғәт итте, әгәр кем дә булһа уттың тораҡ пунктҡа инеүенә юл ҡуйһа, тимәк, ул был эште башҡарып сыға алмаған.
«Һәр төрлө мәсьәлә буйынса беҙгә мөрәжәғәт итегеҙ. Техника кәрәк икән, техника ебәрербеҙ. Тағы ла нимәлер кәрәк булһа, алданыраҡ әйтегеҙ. Уттың тораҡ пунктҡа ингәнен көтмәгеҙ, быға юл ҡуйырға ярамай!» — тип ҡаты иҫкәртте республика етәксеһе.
Бер аҙнала республика биләмәһендә 50 урман янғыны теркәлгән, 46 сығанаҡ һүндерелгән. Уттың тораҡ пункттарға таралыуына юл ҡуйылмаған.
Автор:«Башинформ» мәғлүмәт агентлығы
Читайте нас в