Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Йәмғиәт
18 Август 2021, 15:24

Өфөлә Арктиканы өйрәнеүсе Валериан Альбановҡа иҫтәлекле таҡтаташ асыу тантанаһы үтте

Олег Яровиков
Олег Яровиков
Бөгөн Өфөлә Зәки Вәлиди урамындағы Башҡорт дәүләт медицина университеты бинаһында тантаналы рәүештә Өфөлә тыуып үҫкән легендар шәхес, Арктиканы өйрәнеүсе һәм ҡотопсо Валериан Альбановҡа иҫтәлекле таҡтаташ асылды.
Тантанала Башҡортостан Башлығы Радий Хәбиров ҡатнашты, был иһә күренекле яҡташыбыҙҙың хәтерен мәңгеләштереүҙә сираттағы аҙым, тип билдәләне ул.
«Яңыраҡ ҡына беҙ Өфөлә Арктиканы өйрәнеүселәргә арналған ҡотопсолар музейын асҡайныҡ. Ошо мәсьәләне тәрәнерәк өйрәнә башлағас, Арктиканы һәм Антарктиданы тикшереү эшендә республикабыҙҙан күпме сағыу һәм арҙаҡлы шәхестәрҙең ҡатнашыуы тураһында белдек. Үҫеп килгән быуын геройҙарыбыҙҙы белергә тейеш. Рус география йәмғиәте бурыстарының береһе – тарихыбыҙҙың быға тиклем билдәһеҙ булған биттәрен асыу», — тине Радий Хәбиров.
Рус география йәмғиәтенең төбәк бүлексәһе етәксеһе, Башҡорт дәүләт педагогия университеты ректоры Салауат Сәғитов билдәләүенсә, штурман Альбанов хаҡында мемориаль таҡтаташтың медицина университеты бинаһына ҡуйылыуы осраҡлы түгел. Элек бында ир-егеттәр гимназияһы булған, Арктиканы өйрәнгән яҡташыбыҙ бер нисә йыл шунда уҡыған.
Башҡарма директор урынбаҫары — Рус география йәмғиәте Башҡарма дирекцияһының төбәк үҫеш департаменты директоры Сергей Корлыханов Башҡортостан Башлығы етәкләгән Рус география йәмғиәте төбәк бүлексәһенең попечителдәр советына бөйөк географтарҙың һәм сәйәхәтселәрҙең хәтерен мәңгеләштергән өсөн рәхмәт белдерҙе.
Быйыл Рус география йәмғиәте ойошторолоуға 176 йыл тулды. Йәмғиәттең Попечителдәр советын Рәсәй президенты Владимир Путин етәкләй.
Автор:IMPORT Сервисный
Читайте нас: