Суббота, 16 Мая 2026

Уфа

+28 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

10:45 (UTC+5), 30 Июля 2021

Өфөнөң Еңеү паркында «Десантсылар быуыны берлеге» һәйкәле асылды

Айрат Нурмөхәмәтов

«Башинформ» мәғлүмәт агентлығы

Өфөнөң Еңеү паркында «Десантсылар быуыны берлеге» арт-объектын асыу тантанаһы уҙҙы. Һәйкәлде асыу 2 августа билдәләнгән Һауа-десант ғәскәрҙәре көнөнә тура килтереп үткәрелде.

Тантанала һауа-десант ғәскәрҙәре ветерандары, курсанттар, кадеттар ҡатнашты. Сәләмләү һүҙе менән Башҡортостан Башлығы хакимиәте етәксеһе Александр Сидякин сығыш яһаны.

«Һауа-десант ғәскәрҙәре һәр ваҡыт алғы сафта, уларға ҡыйыулыҡ талап иткән иң ҡатмарлы бурыстар йөкмәтелә. Зәңгәр береттар һәр саҡ алғы һыҙыҡта — тыныслыҡ булдырыу йәки террорға ҡаршы операция булһынмы. Һауа-десант ғәскәрҙәре барлыҡ төп операцияларҙа ҡатнашты. Халхин-Голда япондарҙы тар-мар иткәндә лә, совет-фин, Бөйөк Ватан һуғышында ла, Көнсығыш Европала, Афғанстанда барған операцияларҙа ла, Абхазияла тыныслыҡ урынлаштырғанда ла шулай булды. 1994-1996 һәм 1999-2004 йылдарҙа һауа-десант ғәскәрҙәренең бөтә подразделениелары Төньяҡ Кавказда контртеррористик операцияла ҡатнашты. 89 десантсы, шул иҫәптән өс яҡташыбыҙ — генерал-майор Сергей Тулин, һәм үлгәндән һуң — гвардия майоры Александр Доставалов һәм гвардия сержанты Артур Ҡорбанғәлиев Рәсәй Геройы исеменә лайыҡ булды.

Хөрмәтле дуҫтар! Бөгөн беҙ «Десантсылар быуыны берлеге» һәйкәлен асабыҙ. «Быуын» һүҙе күп нәмәне аңлата. Һауа-десант ғәскәрҙәре һәр саҡ үҙенең традициялары менән дан тотто. Был традицияларҙы Рәсәй йәмғиәтендә генә түгел, илебеҙҙән ситтә лә хөрмәт итәләр. Ошо һәйкәл — һауа-десант ғәскәрҙәренең батырлығына хөрмәт күрһәтеү. Республика етәксеһе исеменән Һауа-десант ғәскәрҙәре көнө алдынан һеҙҙе ошо күркәм байрам менән ҡотлап, ныҡлыҡ, ҡыйыулыҡ, һаулыҡ, ғаилә именлеге теләйем», — тине Александр Сидякин.

Һәйкәлде асҡандан һуң йыйылыусылар һәләк булған десантсыларҙы бер минутлыҡ тынлыҡ менән иҫкә алды.

Артабан 2055 йылда асылырға тейешле мөрәжәғәт менән ваҡыт капсулаһы һалынды.

Тантана аҙағында, күк йөҙөндә аҡ төтөн ҡалдырып, «Первушино» аэродромы пилотаж төркөмөнөң өс самолеты осоп үтте.

1 из 14

https://www.bashinform.ru/news/1624239-v-ufimskom-parke-pobedy-otkryt-pamyatnik-soyuz-pokoleniy-desantnikov/

#хәтер

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.