Радий Хәбиров COVID-19 буйынса сикләү индереү ваҡытын 12 июлдән 26-һына күсерҙе

Азат Ғиззәтуллин

Республиканың эшлекле берләшмә вәкилдәре Башҡортостан Башлығы Радий Хәбировҡа ресторандарға һәм башҡа социаль-көнкүреш йүнәлешендәге учреждениеларға барғанда ковидҡа ҡаршы өҫтәмә сикләү индереүҙе һуңыраҡ ваҡытҡа күсереү үтенесе менән мөрәжәғәт итте. Башҡортостан етәксеһе республика буйынса Роспотребнадзор идаралығына тейешле һорау ебәрҙе.

Башҡортостан Башлығы Радий Хәбиров исеменә килгән хатта республиканың Роспотребнадзор идаралығы етәксеһе Анна Казак, төбәктә коронавирусҡа бәйле хәлде анализлап, дөйөм туҡланыу ойошмалары коллективтарында COVID-19 менән сирләү осраҡтарының теркәлмәүен билдәләй. Шулай уҡ дөйөм туҡланыу объекттарына барғанда коронавирус йоҡтороу ихтималлығы тураһында мәғлүмәттәр юҡ.

Шуға бәйле Роспотребнадзор дөйөм туҡланыу ойошмалары санитар-эпидемиологик ҡағиҙәләрҙе үтәгән саҡта ковидҡа ҡаршы өҫтәмә сикләү индереү ваҡытын күсереү хаҡында ҡарар ҡабул итергә мөмкин тип иҫәпләй.

Ошо хат нигеҙендә Башҡортостан Башлығы Радий Хәбиров коронавирус таралыу хәүефе янауына бәйле юғары әҙерлек тәртибе тураһында указға үҙгәрештәр индерҙе.

Документтың яңы редакцияһына ярашлы, ресторандарға һәм башҡа социаль-көнкүреш йүнәлешендәге учреждениеларға инеү өсөн вакцинация үтеү хаҡында белешмә (сертификат), шул иҫәптән беренсе компонент менән, прививка эшләтергә ярамауы йәки кире һөҙөмтәле ПЦР-тест булыуы тураһында талап 12 июлдән 26-һына күсерелә.

Бынан тыш, Роспотребнадзор республиканың эш биреүселәренә 2021 йылдың 19 июлендә хеҙмәт хаҡын һаҡлап ҡалып, эшләмәү тәҡдимен индерҙе. Власть органдарына һәм башҡа учреждениеларға был көндә ошо ойошмаларҙың эшмәкәрлеген тәьмин иткән хеҙмәткәрҙәр һанын билдәләргә кәрәк.

https://www.bashinform.ru/news/1617085-radiy-khabirov-perenes-sroki-vvedeniya-ogranicheniy-po-covid-19-s-12-na-26-iyulya/

#юғары әҙерлек тураһында указ #радий хәбиров

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.